XX. mendeko Euskararen Corpus estatistikoa
Testuingurua
Esan, neuk aginduten dautsuet.
(Sorginik ezta agiri).
BANK.- Kaskabilloak, iztilak dauz lurrak be, urak izaten dauzanez, eta orretarikoxeak yatsuz orreik be.
Nora ondatu ete dira?
MACB.- Eguratsetara, aidera, eta urte egin da soñezko irudiana, arnasea aidean legetxe.
Gelditu al litzaz!
BANK.- Baña, izan ete da emen, gero guk orain euretzaz itz egiten dogun lango izakirik?
Ala, buruko argitasuna kentzen dauen zustar edentsuren bat yan ete dogu?
MACB.- Errege izango dira zure semeak.
BANK.- Errege izango zara zu.
MACB.- Eta Cawdor'ko Thane be bai; onan ez ete dau esan?
BANK.- Itzez itz.
ROSS.- Macbeth, pozik be pozik artu dauz Erregek zure garaiteagazko barriak, eta matxinoak benderatutetik zuri etorri lekikezun etorkizuna susmaurik, an dabil ebatzi-ezinik zelango izan lediken zurea, eta zelango berea; au alde batera, eta egun berean yazoriko enparaua begitaturik, Norgetarren lerrokada sendoetan aurkituten zauz ak zu, zuk ai eginaren bildurrik bagarik: iñondiko eriotza-irudiak datorkoz burura.
Txigorea baxen sarri erdu da bidaria bidarienagaz, eta bai batek eta bai bestek zuk erregerriaren alde eginiko oldargune andiaren gorapenak ekarrezan eta Erregeren aurrean eralgi.
ANG.- Zuri eskarrak gure ugazaba Erregeren aldetik emoteko bidaliak gara gu: zuri bere aurrera dei egiteko bakarrik, ez zuri ordainduteko.
ROSS.- Eta zuri bere aldetik Cawdor'ko Thane izenez deituteko agindu dauzku, gorapen andiaren baitzat.
Izentatze barri au dala-ta, gora, thane goragarri ori! thanetza ori zeure da-ta.
BANK.- Zer?
Txerrena be egi-esaka ete datorku?
MACB.- Bizirik dago oraindik Cawdor'ko Thanea.
Zer dalata yantzi gura nozue iñoren soñekoz?
ANG.- Ba-da bizi thane zana, baña epai larripean daroa bera galtzea irabazita daukan bizia.
Nik neuk eztakit Norgeterrakaz a itundu zan, ala ez; ezkutuko laguntza ta irabaziz matxinoakaz lerrotu zan, ala bitsuokaitik erri au ondatuten alegindu zan, bana autortu ta erakutsiriko salkeririk baltzenak itzuli dabe.